本文作者：陈百强
朗读人：阿瑟
星期四
圣诞节就快到了，我计划同爹地去美国渡过一个「白色圣诞」，除咗过圣诞之外，我又可以同以前果班「死党」，玩番几日，想起上来，真系想立刻起程。
星期五
同几十位朋友一齐联欢，老实讲，我份人都好怕羞，如果人人东问西问，我耳仔就会好似「发热」一样，好在我同佢哋一齐玩，佢哋对我都好好，而我亦唔会感到尴尬，以后我都会定期同佢哋一齐举行呢D联欢会了。
星期六
新唱片大碟「喝采」推出，反应甚佳，经理人大赞我一轮，如果佢唔俾顶帽我带，我心里一定唔安乐，因为我这份人，「心血」不足，要人支持和鼓励才能感到快乐。「眼泪为你流」打响头炮，现在又传佳音，真是好开心。
星期日
打开报纸，仍然有人写我同雪梨之「恋」，老天呀！点解咁多人对我同雪梨咁有兴趣，我唔知讲过几多次，我同佢一D嘢都无，大家系朋友而已，各位看到我今次咁讲，以后千祈唔好再问我呢D问题。
星期一
拍电影我好喜欢，准备系二月，拍一套同「喝采」差唔多嘅题材电影，希望将来推出，好似「喝采」咁卖座就好啦。
星期二
碰到朋友问我，点解唔出席「金唱片颁奖」？我话我现在已跳槽过“华纳”，旧公司唔替我报名，咁样我冇乜兴趣去「戥」人高兴，佢哋都话我讲得啱。
星期三
行到曾福琴行，走埋去试下电子琴和结他，果班售货员对我非常友善，佢话我果首「喝采」唱得好好，奇怪，推出时间短，居然咁快受注目，个心又感到轻飘飘了。
文字录入:D_七