本文作者：陳百強
朗讀人：阿瑟
星期四
聖誕節就快到了，我計劃同爹地去美國渡過一個「白色聖誕」，除咗過聖誕之外，我又可以同以前果班「死黨」，玩番幾日，想起上來，真系想立刻起程。
星期五
同幾十位朋友一齊聯歡，老實講，我份人都好怕羞，如果人人東問西問，我耳仔就會好似「發熱」一樣，好在我同佢哋一齊玩，佢哋對我都好好，而我亦唔會感到尷尬，以後我都會定期同佢哋一齊舉行呢D聯歡會了。
星期六
新唱片大碟「喝采」推出，反應甚佳，經理人大讚我一輪，如果佢唔俾頂帽我帶，我心裏一定唔安樂，因為我這份人，「心血」不足，要人支持和鼓勵才能感到快樂。「眼淚為你流」打響頭炮，現在又傳佳音，真是好開心。
星期日
打開報紙，仍然有人寫我同雪梨之「戀」，老天呀！點解咁多人對我同雪梨咁有興趣，我唔知講過幾多次，我同佢一D嘢都無，大家系朋友而已，各位看到我今次咁講，以後千祈唔好再問我呢D問題。
星期一
拍電影我好喜歡，準備系二月，拍一套同「喝采」差唔多嘅題材電影，希望將來推出，好似「喝采」咁賣座就好啦。
星期二
碰到朋友問我，點解唔出席「金唱片頒獎」？我話我現在已跳槽過「華納」，舊公司唔替我報名，咁樣我冇乜興趣去「戥」人高興，佢哋都話我講得啱。
星期三
行到曾福琴行，走埋去試下電子琴和結他，果班售貨員對我非常友善，佢話我果首「喝采」唱得好好，奇怪，推出時間短，居然咁快受注目，個心又感到輕飄飄了。
文字錄入:D_七