港姐競選周末舉行 藝員提供獨有貼士
十五位入圍人選預先向讀者報道
*本刊記者集體採訪
綜合她們的心水，十五佳麗分別是○3號劉怡華、○5號陳佩玲、○7號蔡少君、○8號徐婉薇、○14號吳莉莉、○15號曾道美、○17號高麗虹、○18號高惠明、○19號梁玉周、○20號蔡玉生、○22號羅培丹、○24號黃彩蘭、○25號張燕君、○28號何月美、○30號馬倩衡。
本年度香港小姐競選，將於本周末（五月十九日）假無線一號錄影室舉行，五位評判分別是律政司唐明治，胡法光議員，王敏超，張玉麟夫人，郭志權夫人，大會司儀是何守信和鍾景輝，將會從卅位佳麗中選出十五位佳麗，她們將於五月廿六日假利用舞台進行總決賽爭奪港姐最高榮譽。
社會賢達任評判
在準決賽晚上，將會選出最上鏡小姐，由幾位電影界知名人士擔任評判，她們是張玲麟，王晶，許鞍華，楊群等。
本刊舉行舉行四萬元猜港姐遊戲，為了幫助讀者提供準確的貼士，本刊分別訪問有經驗的藝員，請她們談談心中那些佳麗可以進入準決賽。
藝員們的意見值得我們參考，她們的審美眼光有獨到之處，對於你們競猜港姐三重彩更有幫助。以下是她們接受本刊訪問的看法和心水。
張曼玉獨有心水
*張曼玉——我去年參加過港姐精選，當然是知道參賽者心情，我從報刊上看到的佳麗，有一個印象，就是極為吸引人，個個如是，所以就覺得歷屆港姐中最平均的一屆，我心水有吳莉莉，曾道美，高麗虹，張燕君，馬倩衡。
*陳敏兒——據講徐婉薇系大熱門，佢都幾好條件，樣子又夠甜，可惜僅有五尺高，太過細粒唔似冠軍相，但我睇好佢可進入決賽，只怕佢依家風頭太勁，對佢會有影響。本來我亦睇好馬倩衡，佢做過空姐，見過世面，會成熟好多，不過佢年紀較大，未必符合今屆活力口號。
*黃曼凝——我選曾道美為最上鏡小姐，仲有機會入三甲㖭，佢幾靚女，又識擺甫士，另外蔡少君亦有機會，十九歲唔大唔細，佢任職公關經理，我諗應對方面會有出色表現。仲有洪慧冰，佢個名幾特別，所以吸引到我，佢讀多預科，系呢屆來講，算系雪梨不俗嘅嘞。
楊雪儀談戚美燕
*楊雪儀——戚美燕同戚美珍一字之差，所以我比較留意，佢年紀比較大，其實廿四歲系時代女性來講，才剛剛開始黃金年齡而已。黃紫君據說系藝訓班出身，外型必然不差，又受過訓練，機會應該高D，佢輸蝕在身材較矮，未必會迎合今屆嘅標準。
*麥翠嫻——今年無論身材、學歷、樣貌，我覺得都好平均，如果俾我做評判就難倒我咯，都唔知點俾分至啱。何況依家只能夠從圖片審美，更加難上難，我個人認為，蔡玉生與羅培丹，仲有吳莉莉合我眼緣，不過，在此聲明，呢D只系憑表面印象，不能作準。
*陳百強——朱美美幾斯文，佢任職秘書，儀態大方。劉淑華則有大家閨秀之格。不過，個個實力平均，選美有乜標準㗎。
•張曼玉和陳百強合作演歌舞，陳百強喜歡朱美美和劉淑華。
•上屆四位港姐大談今年准港