陈百强蛇年许愿 望找到梦中爱情
丹尼（陈百强）努力在人前宣言想拍拖的讯息，令人不期然问一句：「真唔真先？」
「真，乜唔真呀！」他大胆剖白，似乎担心人不相信他：「坦白讲，响八八年我就冇乜爱情嘞，甚至可以话好平澹，一如似水流年咁，所以既然已经踏入新嘅一年，我希望可以有的突破，望揾到一段梦中嘅爱情。
听上去好似很抽象，即是应该如何的梦想呢？
「当然要完美无瑕啦，个个都知道我系一个唯美主义者，对于每件事，我都追求完美，咁爱情系一件咁浪漫嘅事，更加要完美再完美啦。」
丹尼追求一切靓的事物，想成为他的女伴者，一定要非靓不可，甚至要极为出众才可以。
在城中，不难找到一些符合要求的妞儿，当中富商何鸿燊的女儿何超琼，长得出类拔萃，堪称名媛中的名媛，难怪在一些上流社会宴会上，总留意到他们特别好倾，骤眼看上去，不失为一对匹配的璧人。
「哦，我哋识咗好耐㗎啦，又的确几好朋友，不过就唔系拍拖。」
无考虑过有发展的可能？
丹尼认真回答：「冇㖞，真系从来都冇咁谂过，况且我根本知道大把人追佢。」
他讲得斩钉截铁，语气硬绷绷，显然不希望被人再追问，为了息事宁人，还是改过另一个话题比较好。
「咁好啦，丹尼，祝你响八九年呢个爱情愿望能够实现，早日揾到你心中嘅女神。」
「多谢晒。」他再度展出笑容:「我都希望。」
最近，丹尼转回旧唱片公司「华纳」效力，显得比较活跃，相信最主要原因是经常有机会与一班乐坛好朋友，如阿 LAM （林子祥），莎莉（叶蒨文），林忆莲常有见面，人也变得格外开朗。
「你一向好欣赏忆莲，依家大家同埋一间唱片公司，会唔会考虑合作咁啦？」
他回答：「唔错呀，几好提议，値得谂谂。其实除咗忆莲之外，莎莉我都一样咁欣赏，特别系佢唱英文歌，简直一流，又够感情，好多人都唔够佢挥。」
「佢两个可唔可能成为你嘅女神？」
丹尼笑说：「点会呢，我哋系好朋友，何况忆莲仲系有男朋友添，千祈唔好讲笑。至于莎莉，佢有好多鬼佬朋友，听讲佢都唔知几抢手，或者系佢嘅性格够爽朗，特别吸引鬼佬啩。」
资料提供：极品猫咪
文字录入：琪琪和micky和ac88721